iiraan ayaa ka digtay saamaynta israel ee dagaalka nagornogarabakh

Wakaaladaha - Wasiirka Arimaha Dibada ee Iran Mohammad Javad Zarif ayaa xaqiijiyay in dalkiisa uusan aqbali doonin joogitaanka kooxaha "argagixisada" ee xadka ay la wadaagaan gobolka Karabakh, isagoo tilmaamay in Tehran ay sugeyso jawaab ku saabsan qorshaheeda ku aadan xalinta dagaalada gobolka.

“Waxaan hubnaa in xoogaga argagixisada ay kaqeybqaadan doonaan dagaalada ka socda magaalada Karabakh, waxaana xaqiijineynaa in joogitaankooda uusan dan uheyn doonin qolo waliba,” ayuu yiri Zarif, isaga oo intaa raaciyay “waxaa macquul ah in Israel ay joogto gobolka u dhow xadka ay la wadaagaan Iran.

Zarif wuxuu tilmaamay in "aysan jirin canaasiir argagixiso oo udhow xadka Iran waqtigan, laakiin horumarkooda dhanka xuduudaha waa macquul," wuxuuna carabka ku adkeeyay in "Iran aysan u dulqaadan doonin joogitaanka kooxaha noocaas ah ee udhow xuduudaheeda, iyo inay ku wargalisay Azerbaijani iyo dhinacyada Armenia, iyo sidoo kale saaxiibadeeda Russia iyo Turkiga, tan.

Zarif wuxuu tixgaliyay in wadamada gobolka ay yihiin kuwa ugu qasaaraha badan dagaalada ka socda gobolka Karabakh, waana kuwa ugu saameynta iyo awooda badan ee soo afjari kara, isagoo carabka ku adkeeyay in hindisaha Iran ee xalinta khilaafkan uusan la tartameynin kooxda Minsk ee xalinta khilaafkan

Wasiirka arrimaha dibadda ee Iiraan wuxuu tilmaamay in ergayga madaxweynaha Iiraan ay wadahadalo aad u wanaagsan ku yeesheen Baku, Yerevan, Moscow iyo Ankara, ayna soo bandhigeen hindisaha Iran ee xallinta khilaafka, isagoo xusay in ciyaarta Iiraan aysan la xiriirin oo keliya xabad joojin kumeel gaar ah, laakiin waxay ku baaqeysaa in loo dhaqaaqo xallinta khilaafka oo bilaabmaya iyadoo lagu dhawaaqayo ballanqaadka labada dhinac ee koox Mabaadi'da, ka dibna talaabooyin qaadaya, gaar ahaan bixitaanka ciidamadii qabsanayay dhamaan goobihii la qabsaday.

Zarif wuxuu carabka ku adkeeyay in hindisaha Iran uu ku saleysan yahay xaqiijinta xuquuqda muwaadiniinta iyo abuurista wadiiqooyin isgaarsiineed iyo kormeer ka socda wadamada gobolka oo ku saabsan hirgelinta qorshaha

Zarif wuxuu hadalkiisa ku soo gabagabeeyay isagoo carabka ku adkeeyay in Iran ay ka rajeyneyso saraakiisha Azerbaijan iyo Armenia, iyo sidoo kale saaxiibadooda Ruushka iyo Turkiga inay soo bandhigaan fikradahooda ku aadan hindisahan.